Бұл іс-шара республика күніне арналды. Салтанатты рәсімге қала тұрғындары мен қонақтары қатысты.
Дәстүрлі лентаны Қаражал қаласының әкімі Айқын Елеусізов пен қаланың құрметті азаматы, ақсақалдар кеңесінің төрағасы Омар Мешітбай қиды.
Қаражал қаласының тағы бір құрметті азаматы Жетімек Жарқынбай алаңның ашылуының маңыздылығын ашатын әсерлі өлең жолдарын оқыды. Жиынның соңында хордың орындауында «Атамекен» әні орындалды.
Жаңа алаң Қаражалдың мәдени өмірінің маңызды бөлігіне, мерекелер мен іс-шаралар өтетін орынға айналатыны сөзсіз.
