Алматы қаласында 150-ден астам көлікті заңсыз тіркеген қылмыстық топ схемасы анықталды, деп хабарлайды «Адырна» тілшісі.
Ішкі істер министрлігінің мәліметінше, мемлекетке заңсыз әрекет нәтижесінде келтірілген залал көлемі шамамен 320 млн теңгені құрайды.
Топ көлік құралының бірегей кодын өзгерту және құжаттарды қолдан жасау арқылы автокөліктерді тіркеумен айналысқан.
– Қылмыстық іс-әрекетке арнайы халыққа қызмет көрсету орталығы қызметкерлерінің және делдалдардың қатысы анықталды. Бір дропперге 50 автокөлікке дейін тіркелген. 17 күдікті ұсталды. Заттай дәлелдемелер тәркіленді. АЕҚ қауіпсіздік қызметімен бірлесіп тексеру жалғасуда, – деді ІІМ ұйымдасқан қылмысқа қарсы күрес департаменті өкілі Қуандық Алпыс.
