1990 жылдардың басында қазақ халқына кеңінен танылған Дәрібаевтар отбасының негізін қалаушы Ибрагим Дәрібаев көз жұмды, деп хабарлайды "Адырна" ұлттық порталы.
Белгілі сазгердің қазасын композитор Бекжігіт Сердәлі хабарлады.
“Қазақ эстрадасында "Жас жұбайлар", "Аман бол", "Оқ сияқты", "Нұрлы арман", "Айтшы жаным", "Сендей болмайды", "Сүйгеніме" сияқты танымал әндерді алғаш кассетамен таратқан Дәрібаевтар отбасылық ансамблінің негізін қалаушы Ибрагим Дәрібаев дүние салды. Бақұл бол, бауырым! Асыл жары Әлияға, ұл-қыздарына қайғыра көңіл айтамыз”, – деп жазды Facebook парақшасына.
Ол қазақ эстрадасында "Жас жұбайлар", "Аман бол", "Оқ сияқты", "Нұрлы арман", "Айтшы жаным", "Сендей болмайды", "Сүйгеніме" сияқты танымал әндерді алғаш кассетамен таратқан.
