Сот Марат Бекетаевты қамауда ұстау мерзімін ұзартты, деп хабарлайды "Адырна" ұлттық порталы.
Tengrinews.kz мәліметінше, бір жыл бұрын қамауға алынған экс-министр Бекетаевтың мерзімін 19 қыркүйекте бірден үш айға ұзартқан.
"Астана қаласының мамандандырылған ауданаралық соты күдікті М.Бекетаевқа қатысты қамауда ұстау шарасын 2024 жылдың 21 желтоқсанына дейін ұзартуға санкция берді", - делінген хабарламада.
Сыбайлас жемқорлыққа қарсы күрес агенттігі баспасөз қызметінің мәліметінше, Марат Бекетаевқа қатысты қылмыстық іс тергеуі аяқталған. Қазір қылмыстық іс қатысушылары іспен танысып жатыр. Содан кейін экс-шенеуніктің ісі сотқа жолданады.
Айта кетейік, Бекетаев 21 қазанда президент Қасым-Жомарт Тоқаев жариялаған заңсыз тәркіленген активтерді қайтару науқаны аясында сыбайлас жемқорлық ісі бойынша ұсталған болатын. Астана соты 2024 жылғы 12 ақпанда экс-министрді қамауға алу мерзімін 2024 жылдың 21 наурызына дейін ұзартуға санкция берген.
