Қазақстанға Тұран жолбарысы популяциясын қалпына келтіру үшін Нидерландыдан екі Амур жолбарысы әкелінді, деп хабарлайды «Адырна» тілшісі.
Жануарлар арнайы құрылған Іле-Балқаш қорығы аумағында Іле өзенінің сағасындағы 10 гектар аумақта қоршау жағдайында ұсталатын болады. Алдағы уақытта олардың ұрпағын табиғатқа жіберу жоспарланып отыр.
Еске салайық, 18 қыркүйекте Экология және табиғи ресурстар министрі Ерлан Нысанбаев Мәжіліс алаңында Қазақстанға жолбарыстарды жерсіндіру жоспары туралы айтқан еді. Ол бұған дейін Іле өзенінің жағасындағы орманда, Балқаш өзеніне құятын қамыс өсетін алқапта Тұран жолбарысы мекендегенін мәлімдеді.
