Алматы прокуратурасы өткен жылдың 2023 жылдың 30 қарашасында 13 адамның өмірін қиған жатақханадағы қайғылы өрттің тергеуі аяқталғанын мәлімдеді. Іс сотқа жолданды, деп хабарлайды “Адырна” ұлттық порталы.
“Екі адам қылмыстық жауапкершілікке тартылады. Айыптау актісі бар қылмыстық іс Алмалы ауданының сотына мәні бойынша қарау үшін жіберілді,” — деді Алматы прокуратурасы.
Айта кетсек, 2023 жылы 30 қараша күні таңғы сағат 5:33 шамасында Әди Шаріпов көшесі, 86 мекенжайындағы Almaty Hostel жертөле үй-жайы өртке оранған. Жану алаңы – 30 ш.м. 13 адам қаза тапты. Өрт орнынан 59 адам эвакуацияланды, оның үшеуі жедел-жәрдеммен ауруханаға жеткізілді.
Өрт фактісі бойынша қылмыстық іс қозғалды.
Жатақханаларды жертөле және жертөле қабаттарында орналастыруға санитарлық-эпидемиологиялық талаптардың 23-тармағына сәйкес тыйым салынады.
