Париж Олимпиадасының қола жүлдегері Назым Қызайбайға құрмет көрсетіліп, су жаңа көліктің кілті табысталды. Спортшының әкесі мен бапкері де назардан тыс қалмады, деп хабарлайды«Адырна» тілшісі Райымбек ауданының әкімдігіне сілтеме жасап.
«Еліміздің даңқын әлемге танытқан жас спортшыға Райымбек ауданы әкімдігінің ұйымдастыруымен, ауданның атқа мінер азаматтарының қолдауымен су жаңа Lixiang L7 автокөлігінің кілті табысталды.
Сондай-ақ спорт саңлағының әкесі Абай Қызайбай мен жеке бапкері Каменов Долкунжан Тұрчынұлына да құрмет көрсетіліп, демеушілер ат мінгізді»,—делінген хабарламада.
Іс-шара соңы аудан өнерпаздарының ұйымдастырған концерттік бағдарламасына ұласты.
