19 жастағы астаналық шахматшы Меруерт Камалиденова Қарағанды облысы әкімінің 1-ші ашық кубогы аясындағы халықаралық Masters турнирінің барлық ер қарсыластарын жеңіп, жеңімпаз атанды, деп хабарлайды “Адырна” ұлттық порталы.
Қазақстанның тау-кен астанасында алғаш рет ұйымдастырылған жарыста Армения, Ресей, Үндістан және басқа да елдерден келген шахматшылар бақ сынады. Матчтар 27 тамыз бен 4 қыркүйек аралығында өтті.
Камалиденова ерлермен бәсекеге түскен жалғыз әйел атанды.
Әйелдер арасындағы Мастерс турнирінде украиналық Юлия Осмак жеңімпаз атанды.
Турнирді Қазақстан шахмат федерациясы мен Қарағанды облысының әкімдігі ұйымдастырды. Жүлде қоры алты миллион теңгені құрады.
Әкім кубогы қазақстандық спортшыларды алдағы Будапештте өтетін 45-ші шахмат олимпиадасына дайындаудың маңызды кезеңі болды.
