Қырғызстанда ер адам әйелін жұмыс орнында пышақтап тастаған, деп хабарлайды “Адырна” ұлттық порталы.
Жантүршігерлік жағдай 31 тамыз күні сағат 11:00 шамасында Қырғызстанның Нарын қаласында болған.
42 жастағы ер адам әйелінің жұмыс істейтін асханасына келіп, оған пышақпен шабуыл жасаған. Мойнын кесіп, кейін еденге құлатып, әрі қарай пышақтай берген.
Қырғыз полициясы жәбірленуші әйелдің базардағы асханада жұмыс істейтінін айтады. Қазір әйеліне қол көтерген күйеуі қамауға алынған.
