Telegram желісінің негізін қалаушы Павел Дуров Францияда қамаудан босатылды, деп хабарлайды “Адырна” ұлттық порталы BFMTV-ге сілтеп.
"Telegram негізін қалаушы 24 тамыз күні сенбіде ұсталған соң, сәрсенбі, 28 тамызда полиция қамауынан босатылды", - делінген хабарламада.
Дуров қамауда жалпы төрт күн болды.
Еске сала кетейік, 24 тамызда Дуров Францияның Ле Бурже әуежайында ұсталған болатын. Француз ақпарат құралдарының хабарлауынша, Дуров Telegram-ның негізін қалаушы ретінде есірткі саудасы, балаларға қарсы қылмыстар мен алаяқтыққа сыбайлас деген күдікке ілінген. 26 тамызда Дуровты Парижде қамауға алу мерзімі ұзартылғаны хабарланды.
