Қарағандыда жедел жәрдем жүргізушісін ұрып-соққан Нұрболат Дәкебаев 2 жылға сотталды, деп хабарлайды «Адырна» тілшісі.
Ер адамға Қылмыстық кодекстің 107-бабы 2-бөлігінің 5-тармағы бойынша, яғни бұзақылық ниетпен жәбірленушінің денсаулығына қасақана орташа ауырлықтағы зиян келтірді деген айып тағылды. Сондай-ақ ол 2 млн теңге өтеуге міндеттелді.
Еске салайық, оқиға биыл 27 қаңтар күні болған еді. Нұрболат Дәкебаев түнгі уақытта шақыртумен бір жасар балаға барған жедел жәрдем жүргізушісін «жол бермедің» деп ұрып тастады.
