Белгілі қазақстандық боксшы Данияр Елеусінов шаршы алаңға оралды. Бұл туралы «All Stars Boxing» компаниясының баспасөз қызметі жариялады, деп хабарлайды “Адырна” ұлттық порталы
«All Stars boxing» кешінің басты жекпе-жегінде қазақстандық боксшы, ҚР еңбек сіңірген спорт шебері, Азия ойындарының екі дүркін чемпионы және Олимпиада чемпионы Данияр Елеусінов өнер көрсетеді»,- деді компания.
Турнир 28 қыркүйекте «Алматы аренада» өтеді.
Айта кетейік, кәсіби рингтегі соңғы жекпе-жегін Елеусінов 2021 жылдың желтоқсанында Астанада аргентиналық Хуан Герман Лилге қарсы өткізіп, төрешілердің шешімімен жеңіп, жартылай орта салмақта IBO титулын жеңіп алды.
