Қазақстанда Бірыңғай зейнетақы қорынан тіс емдеуге арналған біржолғы төлем алу мүмкіндігі жойылуы мүмкін, деп хабарлайды “Адырна” ұлттық порталы.
«Қағидалардың 1-қосымшасының 2-тармағының қолданысы 2024 жылғы 10 тамыздан бастап 2025 жылғы 1 ақпанға дейін тоқтатылсын», - делінген Денсаулық сақтау министрлігінің «Қазақстан Республикасындағы денсаулық сақтау саласындағы мемлекеттік қызметтер регламенттерін бекіту туралы» бұйрығында.
Жоғарыда аталған 2-тармаққа: «Қазақстан Республикасының аумағында орналасқан медициналық ұйымдарда стоматологиялық қызмет көрсету (тісті протездеу, имплантациялау)» делінген.
«Біржолғы зейнетақы төлемдерін алушыға қор қаржысын өз баласын емдеу үшін пайдалануға рұқсат етіледі», - делінген түзетулер жобасында.
