«Қазақстан» телерадиокорпорациясы “Асыл мұра” аудиожинағын әзірлеп жатыр, деп хабарлайды “Адырна” ұлттық порталы.
Аталмыш аудиожинақта ескі ән-күйлерді қамтылған.
Телерадиокорпорацияның мәліметінше, “Асыл мұраға” бұрын жарыққа шықпаған, «Алтын қорда» сақталған 1 000-нан астам шығарма енбек.
Аудиокітап бірнеше: «Күйлер», «Жыр-термелер», «Халық және халық композиторларының әндері», «Ертегілер», «Бесік жыры» және «Ретро әндер» бөлімдерінен тұрады.
Атап өтейік, жинаққа күйші Дина Нұрпейісованың өз орындауындағы күйлері, «Халық және халық композиторларының әндері» бөлімінде Әміре Қашаубаевтың өз аузынан 1925 жылы жазып алынған «Балқадиша» әндері енген.
