6 шілде, сенбі күні Астана мен Алматыда жаңбыр жауып, найзағай ойнайды, ал Шымкентте күн ала бұлтты болады деп күтілуде, деп хабарлайды “Адырна” ұлттық порталы «Қазгидромет» РМК-ға сілтеп.
Астанада жаңбыр жауып, күн күркірейді. Желдің күші 9-14 м/с, таңертең және күндіз екпіні секундына 15-20 метр. Ауа температурасы түнде +13+15, күндіз +22+24.
Алматыда жауын-шашын жауып, найзағай ойнайды. Жел 3-8 м/с, найзағайдың екпіні секундына 18 метр. Ауа температурасы түнде +17+19, күндіз +27+29.
Шымкентте күн бұлтты. Жел секундына 8-13 метр. Ауа температурасы түнде +17+19, күндіз +33+35.
