Ақтауда жедел жәрдем қызметкеріне шабуыл жасалды

840
Adyrna.kz Telegram

Ақтауда жедел жәрдем фельдшері соққыға жығылды, деп хабарлайды "Адырна" ұлттық порталы.

Оқиға 30 маусым күні түнгі уақытта болған. Жедел жәрдем фельдшеріне шабуыл жасалды.

Облыстық көпсалалы ауруханасының берген ресми деректерінде ұрып-соғу салдарынан дәрігердің миы шайқалғаны анықталған. Одан бөлек, параорбитальды гематома, бетінде көптеген көгеру болған.

Жәбірленушіні дәрігерлер тексеріп, оған медициналық көмек көрсетіп, амбулаториялық ем алуға жібергені айтылды.

"Бұзақылық жасады деген күдікті ұсталды. Полиция қылмыстық істі тергеп жатыр. Қазіргі уақытта тергеу шаралары жүргізіліп жатыр. Тергеу мүддесі үшін өзге де мәліметтер жарияланбайды", - деп хабарлады Маңғыстау облысының Полиция департаменті.

Пікірлер