Екібастұзда төтенше жағдай режимі жарияланды

767
Adyrna.kz Telegram
Фото: Ашық дереккөзден
Фото: Ашық дереккөзден

Екібастұз әкімі Аян Бейсекин қалада Объектілік ауқымдағы техногендік сипаттағы төтенше жағдай жариялады. Бұл туралы ақпарат «Ашық НҚА» порталында жарияланды, деп хабарлайды “Адырна” ұлттық порталы.

«Екібастұз қаласында «Energy Solutions Center» ЖШС-де орын алған авариялық жағдайға байланысты объектілік ауқымдағы техногендік сипаттағы төтенше жағдай режимі жариялансын»,- делінген ақпаратта.

Төтенше жағдай режимі 1 шілдеден бастап қолданылады.

Айта кетейік, 28 маусым күні сағат 5:24-те ГРЭС-1-де техникалық апат орын алды. Салдарынан № 2, 3, 4, 7 энергия блоктары тоқтатылды. Станция генерацияны 2080-нен 320 МВт-қа дейін төмендетті.

Кейінірек тоқтаған төрт энергоблоктың екеуінің жұмысы қайта жанданды.

Энергетика министрлігі Атом және энергетикалық қадағалау және бақылау комитеті оқиғаға байланысты тергеуді бастады.

Пікірлер