Ақтөбе облысында дельтаплан апатқа ұшырап, ұшқыш қаза тапты

1099
Adyrna.kz Telegram
Сурет: iz.ru
Сурет: iz.ru

Ақтөбе облысының Мұғалжар ауданы Жарық ауылының маңында «Дельтаплан» ұшу аппараты апатқа ұшырап, ұшқыш қаза тапты, деп хабарлайды «Адырна» тілшісі.

Көлік министрлігі қайғылы жағдайдың өндірістік жұмыстарды орындау барысында болғанын айтты.

«Министрлік авиациялық оқиғаны тергеп-тексеру бойынша комиссия құрды. Көліктегі оқиғалар мен оқыс оқиғаларды тергеп-тексеру департаментінің қызметкерлері авиациялық оқиға орнына жіберілді»,—делінген 22 маусымда таратылған хабарламада.

Еске салайық, бұған дейін Қызылорда облысында Ан-2 әуе кемесінің жерге қатты екпінмен қонғанын жазған едік.

Пікірлер