Құрбан айттың бірінші күнінде 20 мыңнан астам мал шалынды. Оның ішінде 2 мыңға жуығына онлайн форматта тапсырыс берілген. Бұл туралы Қазақстан мұсылмандары діни бірлестігі жариялады, деп хабарлайды “Адырна” ұлттық порталы.
Мүфтияттың дерегі бойынша, 16 маусымда республика көлемінде жалпы саны 20 236 мал шалынса, 1 788 тапсырыс qurban2024.kz сайты арқылы берілген.
Шалынған мал саны:
- қой – 17 327;
- ешкі – 1 597;
- ірі қара – 1 307;
- түйе – 5.
Құрбандық еті ел бойынша 62 561 отбасыға, 136 мекемеге құрбандық еті таратылды.
Еске салсақ, биыл құрбан айт 16-18 маусымға сәйкес келеді.
