Ресей оппозиционері Навальныйды жақтаған бойжеткен Қазақстанда ұсталды

723
Adyrna.kz Telegram
Фото: RusNews.exclusive
Фото: RusNews.exclusive

Қазақстанда Ресей саясаткерін жақтаған азамат ұсталды, деп хабарлайды "Адырна" ұлттық порталы Медиазонға сілтеме жасап.

Қолға түскен адамның Қырғызстан азаматы екені анықталған. Ол марқұм ресейлік оппозиционердің ісін қараған судья мен прокурорға қоқан-лоққы жасады деген күдікке ілінді.

29 жастағы Алина Горшенина Мәскеу облыстық сотының судьясы Елена Морозова мен прокурор Елена Колоскованы қорқытты деп айыпталған.

Қазақстандағы сот ұсталған әйелді 1 маусымда Қырғызстан мен Қазақстан шекарасында ұстағаннан кейін 40 тәулікке қамауға алғаны хабарланды. Ол бұған дейін Ресейде сот төрелігін жүзеге асыруға байланысты қатерлер мен зорлық-зомбылық туралы қылмыстық іс бойынша іздеуде болғаны белгілі болды. Енді қырғызстандық әйелді Ресейге экстрадициялау мәселесі шешіліп жатыр.

Пікірлер