Биыл елімізде талапкерлер Ұлттық бірыңғай тестілеуден өтіп жатыр, деп хабарлайды "Адырна" ұлттық порталы.
Абитуриенттер арасында ҰБТ тестінен ең жоғарғы балл жинағандар бар. Кентаулық талапкер Айдос Қожанов Ұлттық бірыңғай тестілеуден өтіп, жалпы 140 баллдың 138-ін еншіледі. Бұл көрсеткіш әзірге еліміз бойынша ең жоғары нәтиже.
Айдос Хайруллаұлы 10 жыл бойы №16 Юрий Гагарин атындағы мектеп-лицейінде оқып, 11 сыныпта «Грант» мектебіне ауысқан. Айдос болашақта математика пәнінен мұғалім болғысы келеді.
