Иранның рухани көсемі аятолла Әли Хаменеи президент Ибрагим Раисидің қайғылы қазасына байланысты 2024 жылдың 20 мамырында бес күндік ұлттық аза тұту жариялады, деп хабарлайды “Адырна” ұлттық порталы.
Әли Хаменеи өз мәлімдемесінде Иран президентінің «шәһид болуына» қатты қайғырды. Ол Раисидің ұлтқа аянбай қызмет еткен білікті президент екенін атап өтті, деп жазады Tasnim.
"Аятолла Хаменеи Раисидің халық пен елге қызмет етудегі тынымсыз күш-жігерін атап өтіп, оның кезіккен қиыншылықтарға қарамай, батыл болғанын атап өтті. Көшбасшы сонымен қатар экипажда болған аятолла Мұхаммед Әли Але Хашем, сыртқы істер министрі Амир Абдоллахиан, губернаторы сияқты басқа да көрнекті қайраткерлердің қазасына қайғырады», - деп жазады жергілікті басылым.
Хаменеи бірінші вице-президент Мохаммад Мохберге президенттік міндеттерді қабылдауды және заң шығарушы және сот тармақтарының басшыларымен бірлесіп, 50 күн ішінде сайлауды қамтамасыз етуді тапсырды.
Иранның вице-президенті Мохаммад Мохбер Жоғарғы Көшбасшыны «президент ізімен» халыққа қызмет ететініне сендірді.
Сондай-ақ, ақтық сапарға шығарып салу рәсімі ертең, 21 мамыр күні өтетіні айтылды.
