Төрехан Сабырхан бокстан төрт дүркін Азия чемпионы атанды

2721
Adyrna.kz Telegram
Фото: sport.kz
Фото: sport.kz

Бокстан Астанада өтіп жатқан жастар мен жасөспірімдер арасындағы Азия чемпионатында Төрехан Сабырхан төрт дүркін Азия чемпионы атанды, деп хабарлайды “Адырна” ұлттық порталы.

67 келі салмақта сынға түскен Төрехан Сабырхан Өзбекстанның боксшысы Мұхаммадазизбек Исмаиловты жеңді. Финалда ол қарсыласын екі рет нокдаунға жіберді.

Одан басқа Өнер Сейілхан, Толғанай Қасымхан, Аяжан Ермек, Алексей Хаванцев, Аяжан Сыдық өз салмақ дәрежелерінде топ жарды.

Айта кетейік, Төрехан Сабырхан – 2023 жылғы әлем чемпионы және 2022 жылғы ересектер арасындағы Азия чемпионатының күміс жүлдегері Махмұд Сабырханның туған інісі.

Пікірлер