ابايتانۋشى، جۋرناليست بالتابەك ەرسالىموۆ ومىردەن ءوتتى، دەپ حابارلايدى "ادىرنا" ۇلتتىق پورتالى.
بالتابەك ەرسالىموۆ - 1938 جىلى 28 اقپاندا سەمەي قالاسىندا دۇنيەگە كەلگەن. جۋرناليستەر وداعىنىڭ مۇشەسى، «ەڭبەك ارداگەرى»، «تىڭعا 50 جىل» ماراپاتتارى مەن «قۇرمەت» وردەنىنىڭ يەگەرى.
فيلولوگ، ولكەتانۋشى بالتابەك ەرسالىموۆ بەلگىلى اقىن اباي شىعارمالارىن ناسيحاتتاۋ ىسىنە بەلسەنە ارالاسىپ كەلگەن. سونداي-اق، اباي، شاكارىم، مۇحتار اۋەزوۆتىڭ رۋحاني مۇراسىن ناسيحاتتاپ، سەمەيدەگى اباي قورىننىڭ اشىلۋىنا ىقپال تيگىزگەندەردىڭ ءبىرى. ال 1992 جىلى «اباي» جۋرنالىنىڭ قايتا شىعا باستاۋىنا ايتارلىقتاي ۇلەس قوستى. 1993 جىلى باسپادان جارىق كورگەن «ابايدىڭ اقىن شاكىرتتەرى» دەگەن جيناقتىڭ جاۋاپتى شىعارۋشىسى.
قازاقستاننىڭ ەڭبەك سىڭىرگەن قىزمەتكەرى، سەمەي قالاسىنىڭ جانە اباي اۋدانىنىڭ قۇرمەتتى ازاماتى، قازاق اقىنى اباي قۇنانباەۆتىڭ جيەنى بالتابەك ەرسالىموۆ 86 جاسىندا قايتىس بولدى.
مادەنيەت جانە اقپارات مينيسترلىگى بالتابەك ەرسالىموۆتىڭ وتباسى مەن تۋعان-تۋىستارىنا كوڭىل ايتادى.
