Жайық жағасын биік бөгетпен нығайту жұмыстары жүргізілді, деп хабарлайды "Адырна" тілшісі.
Бір айға жетпейтін уақыт ішінде жағаны бекіту жұмыстарының 97 пайызын аяқталып, 510 шақырымнан асатын қорғаныс бөгеті тұрғызылды. Тасқынға қарсы жұмыстарға 15 мыңнан астам адам мен 1400-ге жуық техника жұмылдырылды.
Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүріп жатыр. Қазір 11,5 текше метр топырақ алып тасталды. Ал Жайықтың бүгінгі жағдайын айтар болсақ, қалада бір тәулікте су тағы 4 см-ге көтеріліп, 446 см-ге жетті. Қауіпті деңгей 550 см.
