Қазақстандық Эдуард Ещенко стенд атудан Париж олимпиадасының жолдамасын жеңіп алды, деп хабарлайды “Адырна” ұлттық порталы.
Стенд атудан Қазақстан құрамасының мүшесі Эдуард Ещенко Париждегі олимпиада ойындарына жолдама жеңіп алды.
Отандасымыз Дохада өткен іріктеу турнирінде сәтті өнер көрсетіп, "скит" бағдарламасы бойынша іріктеуден өтіп, финалға жолдама алды. Ол шешуші раундта үшінші орыннан көрініп, олимпиада ойындарының жолдамасына ие болды.
Айта кетейік, бұған дейін "трап" бағдарламасы бойынша Мария Дмитриенко олимпиада жолдамасын иеленген.
