Қазақстан мен Қытай шекарасында жер сілкінісі тіркелді, деп хабарлайды "Адырна" ұлттық порталы.
ҚР Төтенше жағдайлар министрлігіне қарасты сейсмикалық стансалар желісі 4 сағат 58 минутта жер сілкінісін тіркеді.
Жер дүмпуінің ошағы Алматыдан солтүстік-шығысқа қарай 320 шақырым жерде, Қытай мен Қазақстан шекарасында орналасқаны анықталған.
Жер сілкінісінің энергетикалық класы – 9,9. MPV, Магнитудасы – 4.8. Жер сілкінісінің координаттары – 44,79° с.б. 80,23° ш.б. Тереңдігі – 10 км.
Жер сілкінісінің Қазақстанда сезілуі туралы дерек тіркелмеген.
