Мемқызметкер ойынханадан аластатылады. Заңға түзету енгізілді

713
Adyrna.kz Telegram
Фото: Ашық дереккөзден
Фото: Ашық дереккөзден

Мәжіліс депутаттары жаңа заң жобасын мақұлдады, деп хабарлайды "Адырна" тілшісі.

Палатаның жалпы отырысында мәжілісмендер мемлекеттік қызметкерлерге құмар ойындармен ойнауға тыйым салынатын заң жобасын мақұлдап, норма ойын бизнесі, лотерея және лотерея қызметі туралы заң жобасына ілеспе түзетулерге енгізілді.

"Шектеу барлық мемлекеттік қызметшіге қатысты болады. Сыбайлас жемқорлыққа қарсы заң бар, оның аясында 12-бап – сыбайлас жемқорлыққа қарсы шектеу. Мемлекеттік қызметшілер, арнаулы мемлекеттік органдардың әскери қызметшілері – шамамен 220 мың адам кез келген ойындардан шектеледі", - деп атап өтті мәжілісмен Елнұр Бейсенбаев.

Бірінші оқылымда қабылданған заң жобасы Мемлекет басшысының халық арасында ойынға тәуелділікке қарсы күресті күшейту жөніндегі тапсырмасын жүзеге асыру аясында құжатқа ҚР Парламенті депутаттары бастамашы болғаны хабарланды.

Пікірлер