Түркияда дауыл салдарынан әртүрлі провинциялардағы елді мекендер зардап шекті. Ыстамбұлда ағаштар құлап, метроны су басты, ал Чанкириде қатты жел мешіттің мұнарасын қиратты, - деп хабарлайды “Адырна” ұлттық порталы.
4-ші аймақтық метеорология департаментінен алынған мәліметтерге қарағанда, желдің жылдамдығы Анталияның орталығында сағатына 68,4 шақырымға, Кемер аймағындағы Сиглик маякында 118 шақырымға жеткен.
Дауыл Самсун, Корум, Кастамону, Амасия, Синоп сияқты елді мекендерде де соқты. Мұнда үйлердің шатыры ұшып, ағаштар құлап, көліктерге зақым келген.
Әзірге қаза тапқандар мен зардап шеккендер туралы ақпарат түскен жоқ.
Мейрамбек ЕРБОЛАТҰЛЫ
