ҰҚК экстремизмге қатысы бар 4 күдіктіні ұстады (ВИДЕО)

821
Adyrna.kz Telegram

Ұлттық қауіпсіздік комитеті экстремизмге қатысы бар күдіктілерді ұстады, деп хабарлайды «Адырна» тілшісі.

«17 сәуірде ҰҚК Ішкі істер министрлігімен өзара әрекеттесе, прокуратура органдарының үйлестіруімен Алматы қаласында, Алматы және Жамбыл облыстарында Қазақстанның 4 азаматын ұстады. Олар республика аумағында тыйым салынған діни-экстремистік ұйымның әрекетіне қатысты және ұйымдастырды деп күдіктеліп отыр»,—делінген хабарламада.

Тұрғылықты жерлері бойынша тінтулер барысында көптеген діни әдебиет мен басқа да заттай дәлелдемелер алынды.

Қылмыстық кодекстің 405-бабы бойынша сотқа дейінгі тергеу жүргізілуде.

Айта кетейік, ұсталған адамдардың екеуі бұған дейін осындай қылмыс жасағаны үшін сотты болған.

Пікірлер