Қазақстанда бетперде киген адам ретінде танылған ер адам су тасқынынан зардап шеккендерге миллион доллар бөлді, деп хабарлайды "Адырна" тілшісі.
Ол өзінің қорын ашып, жиналған 450 миллион теңгені зардап шеккен отбасыларға аударған.
"Біз ірі көктемгі су тасқынына тап болдық. Қазақстанның 10 облысында төтенше жағдай жарияланды. Қазіргі уақытта 108 мың адам қауіпсіз жерге көшірілді. Бес мыңнан астам үй су астында қалды. Сегіз мыңнан астам мал қырылды. Біз көмекке келген еріктілерге, құтқарушыларға, алаңдаушылық білдірген азаматтарға және басқа елдердің азаматтарына үлкен алғысымызды білдіреміз. Біз бірге бұл апатты еңсеріп, бұдан да мықты боламыз", – деді белгісіз бетперде киген адам.
Сонымен қатар ол бұл қаражатты бөлу кезең-кезеңімен жүзеге асырылатынын да атап өтті.
