Су тасқынынан зардап шеккендерге жаңа тұрғын үй салу үшін әкімдік тарапынан бөлінген жерді министр тексерді, деп хабарлайды "Адырна" тілшісі BAQ.KZ-ке сілтеп.
Ақтөбеге сапарында Өнеркәсіп және құрылыс министрі Қанат Шарлапаев жүргізіліп жатқан жұмыстардың тиімділігі мен сапасын қамтамасыз ету үшін қалпына келтіру мәселесін жеке бақылауда ұстайтынын атап өтті.
Әкімдік облыста 436 дайын жер телімі бар екенін мәлім еткен. Ал оның ішінде Ойыл ауданында – 321, Қобда ауданында – 77, Әйтекеби ауданында – 22, Темір ауданында – 10, Ақтөбе қаласында – 6.
Министр Қобда ауылындағы дене шынықтыру-сауықтыру кешенін және 2023 жылы апаттан зардап шеккендерге арнап салынған 24 тұрғын үйді аралады.
