Бишімбаевқа қатысты іс бойынша сот тыңдалымында марқұм Салтанат пен оның жақын құрбысының хаттары оқылды, деп хабарлайды "Адырна" тілшісі.
Сот отырысында Прокурор хаттарды дауыстап оқып шықты.
"Оның мені жіберуі екіталай. Әкем де маған оның тыным бермейтінін айтады. Ол ештеңені қаламайды. Онымен тіпті диалогқа да түспеймін. Ол бәріне сәтсіз махаббаты мен менің қаншалықты қорқынышты екенім туралы айтады. Ал мен оған оралмасам, оның барлық талабын орындамасам, кек ала бастайды", – делінген екеуара хатта.
Нүкенова құрбысына жазған хабарламасында экс-министрдің өзінен жалаңаш фотосын кепіл ретінде сұрағанын айтқан.
"Ол бұл фотоны жариялап, сол арқылы ақша табасың деп күдіктенеді. Бұл фотоны таратпауым үшін кепіл ретінде суретке жалаңаш түсуім керек екенін айтты. Мен оған "сен құбыжықсың" дедім. Бірақ жалаңаш суретке түспесем жібермейтінін білдім. Иә, одан құтылу үшін қалауын орындадым. Менің жолым болмады, шаршадым. Одан басқа ешкіммен сөйлеспеймін. Әр хабарлама, әр қоңырау, әр қадамымды басқарады. Телефонымды артық қарамаймын. Тіпті кейде қарапайым заттарды өшіруді ұмытып кеттім бе деп қорқамын. Ол кез келген уақытта қызбалыққа салынады. Айғайлап, қорлай бастайды. Шаршадым. Үнемі жанжалдан аулақ болу үшін үндемей қаламын немесе ақталамын. Жүйкем шыдай алмайды, тек ол ашуланбаса болды. Бұл махаббат емес. Қазір бәрін зерттеп жүрмін. Сол үшін Павлодарға қашып кеттім. Әрі қарай не болатынын білмеймін. Ол аянышты жағдайда. Оны осы кезге дейін аяп келдім", – делінген Нүкенованың жазбасында.
Марқұм Бишімбаевтың айтқанындарын тыңдап, орындамаса отбасында үлкен жанжал болатынын да құрбысына ескерткені айтылды.
