Ресей cоғыс кезінде тыйым салынған газды қолданып жатқаны айтылуда, деп хабарлайды "Адырна" тілшісі Arbar.media-ға сілтеп.
Украинадағы соғыс кезінде Ресей қарулы күштері CS немесе «Сирень» деп аталатын көзден жас ағызатын газды дрондар арқылы пайдаланып жатқаны айтылды.
Еуропада аталған газды полиция демонстрацияларда бүлікшілерге қарсы жиі қолданатыны белгілі болды.
Көзден жас ағызатын газды Германияда өзін-өзі қорғау үшін оны онлайн тапсырыспен алуға болады. Дегенмен бұл газды соғыс кезінде пайдалануға Химиялық қару туралы конвенцияға сәйкес тыйым салынған.
"Көптеген украин әскери қызметкерлер газға қарсы құралмен жүреді және химиялық шабуыл кезінде өзін қалай ұстау керектігі туралы нұсқаулықтар алған", - делінген басылымның мақаласында.
