"Крокус Сити Холлда" қолға түскен Шешенстан азаматы полиция бөлімінде көз жұмды, деп хабарлайды "Адырна" тілшісі Настоящее время-ға сілтеп.
Шешенстан тумасы Асхаб Успанов Мәскеуде "Крокус Сити Холл" концерт залындағы шабуылдан кейін ұсталып, бірнеше сағаттан кейін полиция бөлімінде қайтыс болған.
Кейбір БАҚ беттерінде шешенстандық азаматты түрмеде азаптауы мүмкін екенін айтады.
Успановтың өлімі туралы оның анасы хабарлап, ақпаратты растаған. Азамат әйелінің жұмысына бара жатқанда ұсталған. Кейіннен ұсталған азамат әйеліне қоңырау шалып, полицейлердің дөрекі сөйлегенін айтқан. Сол қоңыраудан кейін азамат полиция бөлімінде көз жұмған.
Азаттық радиосының хабарлауынша 29 наурызда Успановтың өлімі туралы оппозициялық 1ADAT телеграм-арнасы алғашқылардың бірі болып ақпарат таратқан. Бейресми деректерде марқұмның қабырғалары мен омыртқасы сынғаны, денесінде қанталаған іздер қалғаны айтылуда.
