27 наурыз күні Астананың қылмыстық істер жөніндегі мамандандырылған ауданаралық сотында экс-министр Қуандық Бишімбаевтың ісі бойынша жабық сот отырысы өтеді, деп хабарлайды "Адырна" тілшісі.
Бұл туралы ауданаралық соттың баспасөз қызметі хабарлады.
"Алқабилер алқасы 12 адамнан құрылады (10 негізгі және 2 қосалқы). Іріктеу алқабилердің жеке басын жария ету мүмкіндігін болдырмау үшін жабық сот отырысында жүргізіледі", - деп хабарлады сотта.
Айта кетейік, наурыздың басында экс-министр Қуандық Бишімбаев әйелі Салтанат Нүкенованы өлтірді және азаптады деп айыпталған.
