Жүк кемесі соққан. Көпір қирап, жеті адам суға батты

1169
Adyrna.kz Telegram
Фото: BBC
Фото: BBC

Американың Балтимор қаласында ұзындығы 2,5 шақырым болатын көпір суға құлады, деп хабарлайды "Адырна" тілшісі BBC-ге сілтеп.

Фрэнсис Скотт Кей автокөлік көпірі өзенге құлаған.

Жергілікті билік өкілдері оқиға салдарынан бірнеше көлік көпірден құлап, кемінде жеті адам суға батқанын айтады.

Әлеуметтік желілерде жарияланған видеоматериалдарда жергілікті уақыт бойынша шамамен сағат 1:30-да үлкен жүк кемесі көпірге соғылып, өртеніп, кейін суға батып кеткенін байқауға болады.

MarineTraffic қызметінің мәліметінше, кеменің баратын жері Коломбо (Шри-Ланка) болған. Сингапур жалауы ілінген 300 метрлік Dali контейнерлік кемесі көпірге соғылып, автокөлікке арналған көпірді сүріп кеткен. Кеменің ұзындығы -  948 фут, яғни 289 метр.

Қазір оқиға орнында құтқарушылар жұмыс істеп жатыр.

Пікірлер