Ұлттық құрама спортшысы Шерзод Хаширбаев Швейцарияда өткен фристайл-акробатикадан Еуропа кубогының кезеңінде жеңіске жетті, деп хабарлайды "Адырна" тілшісі.
ҚР Туризм және спорт министрлігі Спортты дамыту дирекциясы спортшы Шерзод Хаширбаевтың алтын жүлдеге қол жеткізгенін хабарлады. Ол 96.93 ұпай алды.
Украиналық атлет Максим Кузнецов 94.82 ұпаймен күмісті еншілесе, швейцариялық Пирмин Вернер 93.99 ұпаймен қоланы қанағат тұтты.
