Сағынтаевтың алғашқы тапсырмасы: "Сейфуллин даңғылы жезөкшелерден тазартылсын!"

5400
Adyrna.kz Telegram

Алматы тұрғыны жаңа әкім Бақытжан Сағынтаевқа Сейфуллин даңғылында тұратын жезөкшелерге қатысты шағым айтылды.

"Айтайын дегенім, Сейфуллин көшесіндегі жезөкшелер туралы. Олар темір жол вокзалынан бастап тұрады. Қыздар өз қызметін ұсынудан қымсынбайды. Отбасыңмен, балаларыңмен бұл арадан өте алмайсың. Мен үшін бұл ұят жағдай. Полиция қызметкерлері де күресіп жатыр, бірақ нәтижесіз. Бұл жерде жүру өте ұят", - деді Түріксіб ауданының тұғыны Әділжан Разиев.

"Айтылды, бұйрық берілді. Мен оған (Алматы полиция басқармасының бастығының орынбасарын меңзеп - ред.) бірден іске кірісуді тапсырдым. Егер нәтиже шықпаса, олар күресіп жатқан жоқ деген сөз. Яғни олардың өздерінің де бұл іске қатысы бар деп білемін. Міне,  полиция басқармасының бастығының орынбасары. Ол дәл бүгіннен бастап іске кірісуі керек. Егер бүгін түнде, ертең, арғы күні осылай жалғаса беретін болса - маған дереу жазыңыздар. Мен барлық жерде тіркелгенмін. Маған жазыңыздар, ары қарай шешеміз", - деді Бақытжан Сағынтаев.

Дереккөз: Tengrinews.kz

"Адырна" ұлттық порталы

 

Пікірлер