Қызылордалық шенеуніктер өңірлік футболға 1,2 миллиард теңге жұмсамақ

Қызылордалық шенеуніктер футболға 1,2 миллиард теңге жұмсамақ, деп хабарлайды "Адырна" ұлттық порталы.  «Тапсырыс беруші – «Қызылорда облысының дене шынықтыру, спорт және туризм басқармасы» КММ; атауы – спорт клубтарының қызметтері; қосымша сипаттама – облыс футбол командасын Премьер-Лига командалары арасындағы Қазақстан Республикасының чемпионатына, екінші лига командалары арасындағы Қазақстан Республикасының чемпионатына, футболдан Республика кубогына дайындауды және қатысуын ұйымдастыру жөніндегі қызметтер. Жоспарланған сома 1,2 млрд теңге», - делінген мемлекеттік сатып алу порталында жарияланған лоттың сипаттамасында. Байқауға қатысуға өтінімдерді қабылдау 5 наурыздан 14 наурызға дейін жалғасады.