Шығыс Қазақстан облысы Глубокое ауданы Предгорное ауылында астық тиелген элеватор өртенді. Бұл туралы облыстық төтенше жағдайлар департаменті айтты, деп хабарлайды «Адырна» тілшісі.
Оқыс оқиға бүгін, 8 наурызда болған.
«Өрттің жалпы ауданы 250 шаршы метрді құрады. Кептіргіште шамамен 20 тонна астық болған. Төтенше жағдайдың алдын ала себептері — ауыл шаруашылығы өнімдерін өңдеу кезінде өрт қауіпсіздігі техникасын сақтамау және технологиялық процесті бұзу»,—делінген хабарламада.
