Бибісара Асаубаева «Аэрофлот Опен 2024» фестивалінде топ жарды

1459
Adyrna.kz Telegram
Сурет: Спорт және дене шынықтыру істері комитеті
Сурет: Спорт және дене шынықтыру істері комитеті

Бибісара Асаубаева Мәскеуде өткен «Аэрофлот Опен 2024» шахмат фестивалінде әйелдер арасында чемпион атанды. Бұл туралы Туризм және Cпорт министрлігінің Спорт және дене шынықтыру істері комитеті жазды, деп хабарлайды «Адырна» тілшісі.

Бір аптаға созылған дәстүрлі жарыста FIDE-де рейтингі 2300-ден жоғары ойыншылар опен-турнирде бақ сынады. Сонымен қатар 15 жасқа дейінгі балалар арасында да бөлек бәсеке өтті.

Қазақстаннан Бибісарамен қатар Қазыбек Нөгербек (18-орын), Даниал Сапенов (21-орын), Рамазан Жалмаханов (38), Әлішер Сүлейменов (65) сынға түсті. Биыл қатысушылар саны 500-ден асты.

Айта кетейік, Бибісара Асаубаева — әйелдер арасындағы гроссмейстер, халықаралық шебер. 2021 жылы шахмат тарихындағы блиц бойынша ең жас әлем чемпионы атанды.

Пікірлер