Ақтауда көпқабатты үйдің жоғарғы қабатынан секірмек болған қыз бала іздестіріліп жатыр, деп хабарлайды "Адырна" тілшісі.
Бұл ақпаратты Маңғыстау облыстық полиция депаратментінің мамандары мәлімдеді.
Қаладағы 32б шағынауданында әйел адамның суицид жасамақ болғаны анықталған.
"20 жастағы қыз бала көпқабатты үйдің терезесінен секірмек болды. Осыдан кейін ол үйден белгісіз бағытқа шығып кеткен. Қазіргі уақытта полиция аталған іс бойынша іздеу жұмыстарын жүргізіп жатыр", - деді Маңғыстау облыстық ПД баспасөз қызметіндегілер.
