Мектепте алған екпеден кейін оқушылар өздерін нашар сезінген

734
Adyrna.kz Telegram
Фото: Ашық дереккөз бетінен
Фото: Ашық дереккөз бетінен

Маңғыстау облысының денсаулық сақтау басқармасының хабарлауынша, Ақтаудағы мамандандырылған IT лицейінің екі оқушысы А гепатитіне қарсы екпе алғаннан кейін өздерін нашар сезіне бастаған, деп хабарлайды “Адырна” ұлттық порталы.

"Облыстық аурухананың реанимация бөлімінде балаларға алғашқы медициналық көмек көрсетіліп, тексерістен кейін психоэмоционалды күйзеліс анықталды. Жағдайлары жақсарғаннан кейін ата-аналары балаларды ауруханаға жатқызудан бас тартты. Науқастар амбулаторлық емделуге жіберілді. Балалар жергілікті мекенжайы бойынша тіркелген ауруханалардың бақылауында болады", - деп мәлімдеді облыс әкімінің баспасөз қызметі.

Қазір оқушылардың жағдайы қалыпты екені айтылды. Педиатр мамандар балалардың екпеге реакциясы жоқ екенін мәлімдеді.

“Адырна” ұлттық порталы

Пікірлер