26 ақпанда "Қазгидромет" Республиканың жеті облысына дауылды ескерту жариялады. Синоптиктердің болжауынша, елде боран, қатты жел және тұман болады деп күтілуде, деп хабарлайды “Адырна” ұлттық порталы.
Ақмола облысының солтүстігінде, шығысында және Көкшетауда тұман күтілуде.
Оңтүстікте, Алматы облысы мен Алматының таулы аудандарында тұман күтіледі.
Түнде және таңертең Батыс Қазақстан облысының солтүстігінде және Орал қаласында тұман болады деп болжанады.
Түркістан облысының оңтүстігінде, таулы және тау бөктерінде тұман, боран, сондай-ақ облыстың солтүстігінде, батысында, таулы аудандарында желе екпіні 15-20 м/с дейін барады.
Ал Шымкентте түнде және таңертең тұман болжанады. Түркістанда күндіз екпіні 15-20 м/с дейін жел болады.
Қызылорда облысында екпіні 15-20 м/с дейін жел соғады деп болжанады.
Қостанай облысының солтүстік, шығысында тұман күтіледі.
Күндіз Солтүстік Қазақстан облысының оңтүстігінде, солтүстігінде, шығысында және Петропавлда жаңбыр мен қар түрінде аздаған жауын-шашын, көктайғақ болады.
“Адырна” ұлттық порталы
