Мемлекет басшысы Қасым-Жомарт Тоқаев Қазақстан халқының және жеке өзінің атынан шейх Мишаал әл-Ахмад әл-Джабер әл-Сабахты және барша Кувейт халқын ұлттық мереке – Ұлттық күнімен құттықтады, деп хабарлайды "Адырна" ұлттық порталы Ақордаға сілтеме жасап.
"Бейбітшілік пен тұрақтылықты ту еткен еліңіз болашақта өсіп-өркендеп, игі мақсат-мұраттарға жете беруіне тілектеспін. Біз Кувейтті Қазақстанның араб әлеміндегі сенімді әрі маңызды серіктестерінің бірі ретінде қарастырамыз. Берік достық пен өзара сенімге негізделген әріптестігіміз бірлескен күш-жігеріміздің арқасында қарқынды дами түсетініне кәміл сенемін", - делінген құттықтау жеделхатында.
Тоқаев Кувейт Әмірінің қызметтіне табыс, ал бауырлас Кувейт халқына береке мен гүлденуін тіледі.
"Адырна" ұлттық порталы