Қазақстан Президенті Иран халқын мерекемен құттықтады

650
Adyrna.kz Telegram
Фото: Ақорда
Фото: Ақорда

Қасым-Жомарт Тоқаев Иран басшысын Ислам революциясы күнімен құттықтады, деп хабарлайды "Адырна" тілшісі Ақордаға сілтеп.

Мемлекет басшысы Иран Ислам Республикасының президентіне жеделхат жолдап, революция күнімен құттықтады.

“Бүгінде Иран саяси тұғыры берік, экономикасы тұрақты дамыған халықаралық қауымдастықтың беделді мүшесі. Ұлт бірлігі мен ынтымағын ту еткен мемлекетіңіз Сіздің басшылығыңызбен алдағы уақытта да игі мақсат-мұраттарға жете беруіне тілектеспін. Иран – біздің Каспий аймағындағы маңызды серіктесіміздің бірі. Осыған орай дәстүрлі достық пен мазмұнды саяси диалогқа негізделген ықпалдастығымыз өзара тиімді сауда-экономикалық және мәдени-гуманитарлық ынтымақтастығымызды нығайтуға берік арқау бола беретініне кәміл сенемін”, – деп жазылған Президент жеделхатында.

Пікірлер