Алдағы күндері Башқұртстан Республикасының басшысы Радий Хабиров Қазақстанға келеді. Бұл туралы Қазақстан Республикасының Сыртқы істер министрлігінің ресми өкілі Айбек Смадияров мәлімдеді, деп хабарлайды “Адырна” ұлттық порталы.
«Сапар аясында башқұрт делегациясы Қазақстан-Башқұртстан бизнес-форумына, сондай-ақ, екі республика арасындағы ынтымақтастықты дамыту жөніндегі жұмыс тобының отырысына қатысады»,— деді Смадияров.
Еске салайық, Башқұртстанда Файль Алсыновтың қамалуына қарсы ірі наразылықтар болған еді.
