Qazaqstan-Qytaı shekarasyndaǵy avtomobıl ótkizý pýnktteri 2023 jylǵy 16-17jeltoqsanda jáne 2024 jylǵy 1-2 qańtarda jumys istemeıdi. Bul týraly Memlekettik kirister komıteti aıtty, dep habarlaıdy «Adyrna» tilshisi.
«Memlekettik kirister komıteti ótkizý pýnktteriniń aldynda toptalýǵa jol bermeý maqsatynda, tasymaldaýshylardy jáne Memlekettik shekarany kesip ótýge nıet bildirgen ózge de adamdardy aýa raıy jaǵdaılaryn eskere otyryp, tasymaldaý marshrýttaryn aldyn ala josparlaý jáne ótkizý pýnktterine brondalǵan kúni kelý qajettigi týraly habardar etedi.
Qazaqstan-Qytaı shekarasyndaǵy avtomobıl ótkizý pýnktteri arqyly júk avtokólik quraldaryn ótkizý «CarGoRuqsat» (https://cgr.qoldau.kz/ru/start/) avtomattandyrylǵan elektrondyq kezek júıesinde ótkizý kúnin brondaý arqyly júzege asyrylatynyn nazarlaryńyzǵa salamyz»,—delingen habarlamada.
Aıta keteıik, Qazaqstan-Qytaı shekarasyndaǵy temirjol ótkizý pýnktteri shtattyq rejımde jumysyn jalǵastyrady.
