Жамбыл облысында республикалық жарыс жеңімпаздары марапатталды

43

Тараз қаласында Техникалық шығармашылық және өнертапқыштардың республикалық жарысы өтті, – деп хабарлайды “ZhambylNews” Ақпараттық Агенттігі.

Жарысқа еліміздің барлық өңірінен келген 180-ге жуық дарынды балалар қатысты. Екі күнге жалғасқан тартыс жарыста қатысушылар өз жобаларын қорғап, бақтарын сынады.

Республикалық жарыс нәтижесінде «Үздік өнертапқыш» номинациясымен Шымкент қаласынан келген Мирсавуров Миржалол жеңіп алса, «Алтын зымыран» номинациясын Жамбыл облысының қатысушысы Степанов Николай, «Үздік техник» номинациясын Шымкент қаласынан келген Мирсавуров Мирзокир иеленді.

Ал «Үздік кеме құрастырушы» номинациясын Ақмола облысының қатысушысы Грицко Максим, «Үздік көлік құрастырушы» номинациясын Қарағанды облысы Айгали Дамир, «Үздік әуе модельдеуші» номинациясын Самохваловы Никита жеңіп, үздіктер қатарынан көрінді. 

Жалпы командалық есеп бойынша жүлделі ІІІ орынды Нұр-Сұлтан командасы иеленсе, ІІ орынды Ақтөбе облысының командасы еншіледі. Ал Жамбыл облысының командасы І орынды жеңіп алды.

Барлық қатысушыларға сертефикат, тәрбиешілеріне алғыс хат тапсырылды.

Пікірлер